Aktauda – Şey Gazetesi

Diasporumuz Aktauda beynəlxalq forumun təşkilində fəal iştirak edib

Abdullah Yiğit — Sat, 22 Jul 2023 07:31:24 +0000

Diasporumuz Aktauda beynəlxalq forumun təşkilində fəal iştirak edib

, 2023

Diasporumuz Aktauda beynəlxalq forumun təşkilində fəal iştirak edib

Qazaxıstanın Manqistau vilayətinin Aktau şəhərində “Bakı Yay Enerji Məktəbi –2023” proqramı çərçivəsində beynəlxalq forum keçirilib.

Forum 9-12 iyul tarixində “Azərbaycan Mərkəzi” İctimai Fondunun, “Dostluq” Etnomədəni Birliyinin, Azərbaycanın Aktaudakı Baş Konsulluğunun, ADA Universitetinin və Mangistau vilayətinin akimliyinin təşkilatçılığı ilə gerçəkləşdirilib.

İlk dəfə Aktau şəhərində təşkil olunmuş tədbirdə Azərbaycan, Türkiyə, ABŞ, İspaniya, İtaliya, Nigeriya, Səudiyyə Ərəbistanı, Qazaxıstan, Yaponiya, Çin, Macarıstan, Bolqarıstan və Çexiyanı 67 iştirakçı təmsil edib. Onların arasında enerji şirkətlərinin mütəxəssisləri, müxtəlif dövlət qurumlarının, səfirliklərin və beynəlxalq təşkilatların nümayəndələri, dövlət qulluqçuları, o cümlədən enerji və ekoloji problemləri öyrənən alimlər, jurnalistlər və aspirantlar olub.

Üç gün ərzində forum iştirakçıları Mangistau vilayətinin enerji sahəsindəki potensialı ilə tanış olublar.

Qeyd edək ki, “Bakı Yay Enerji Məktəbi” enerji və ekoloji problemlərin, o cümlədən Xəzər dənizinin problemlərinin hərtərəfli öyrənilməsi proqramıdır. Ənənəvi olaraq hər il dünyanın hər yerindən məşhur alimlər, siyasətçilər və mütəxəssislər bu proqram üzrə bir araya gəlir. Bu il Yay Məktəbinin formatında dəyişikliklər edildiyi üçün proqram iştirakçıları ilk dəfə Aktau şəhərində görüşüblər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/diasporumuz-aktauda-beynelxalq-forumun-teskilinde-feal-istirak-edib-3243

Aktauda Heydər Əliyevin 100 illiyi münasibətilə təntənəli konsert təqdim olunub

Abdullah Yiğit — Wed, 24 May 2023 07:12:02 +0000

Aktauda Heydər Əliyevin 100 illiyi münasibətilə təntənəli konsert təqdim olunub
, 2023
Aktauda Heydər Əliyevin 100 illiyi münasibətilə təntənəli konsert təqdim olunub
Qazaxıstanın Aktau şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş təntənəli konsert keçirilib.

Diasporla İş üzrə Dövlət Komitəsinin dəstəyi, Azərbaycanın Aktaudakı Baş konsulluğunun, “Dostluq” Azərbaycan Etnoomədəni Birliyinin və “Azərbaycan Mərkəzi” İctimai Fondunun birgə təşkilatçılığı ilə baş tutan tədbirdə yerli hakimiyyətin, ictimaiyyətin və Azərbaycan diasporunun nümayəndələri iştirak ediblər.

Konsert öncəsi Mangistau vilayətinin akimi Nurlan Noqayev və Azərbaycanın Aktaudakı Baş konsulluğunun başçısı Elçin Məmmədov çıxış edərək, xalqımızın ümummilli liderinin Azərbaycanın müstəqilliyinin bərpası, möhkəmləndirilməsi, ölkəmizin dinamik inkişafı, iki dövlət arasında ikitərəfli münasibətlərin gücləndirilməsi naminə həyata keçirdiyi əvəzsiz və misilsiz xidmətləri diqqətə çatdırıblar. “Dövlətimizin başçısının tapşırığı ilə iki ölkə arasında mədəni-humanitar əməkdaşlığın və dostluq əlaqələrinin möhkəmləndirilməsi istiqamətində işlər davam etdirilir. Hər bir xalqın, ölkənin, etnik qrupun, bütün bəşəriyyətin tarixdə şərəfli yer tutan şəxsiyyətləri vardır. Bunlar silinməz iz qoyan nadir şəxsiyyətlərdir. Heydər Əliyev Qazaxıstanla Azərbaycan arasında ikitərəfli münasibətlərin möhkəmlənməsinə əvəzsiz töhfə verib”, – deyə Nurlan Noqayev söyləyib.

Təntənəli gecədə Azərbaycanın xalq artisti Natiq Şirinovun rəhbərlik etdiyi “Natiq” ritm-qrunu, Azərbaycanın əməkdar artisti, tarzən Şəhriyar İmanov, “Mirvari” Azərbaycan rəqs qrupu, “Akşaqıl” etno-folklor ansamblı, “Jorqa” rəqs ansamblının ifasında maraqlı konsert proqramı təqdim olunub. Konsert tamaşaçıların alqışları ilə qarşılanıb.

Qeyd edək ki, Manqistau vilayətində 7 minə yaxın azərbaycanlı yaşayır. Soydaşlarımız vilayətdəki digər millətlərin nümayəndələri ilə dostluq münasibətləri saxlayırlar. “Dostluq” Azərbaycan Etnomədəni Birliyi Qazaxıstan Xalqları Regional Assambleyasının fəal üzvüdür.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/aktauda-heyder-eliyevin-100-illiyi-munasibetile-tenteneli-konsert-teqdim-olunub-2986

Aktaudakı Yessenov Universitetində Novruz şənliyi keçirilib

Abdullah Yiğit — Sun, 19 Mar 2023 16:21:20 +0000

Aktaudakı Yessenov Universitetində Novruz şənliyi keçirilib
, 2023
Aktaudakı Yessenov Universitetində Novruz şənliyi keçirilib

Qazaxıstanın Aktau şəhərində yerləşən Şahmərdan Yesenov adına Xəzər Dövlət Texnologiyalar və Mühəndislik Universitetində Novruz bayramı təntənəli şəkildə bayram edilib.

“Azərbaycan Mərkəzi” İctimai Fondunun və ölkəmizin Aktaudakı Baş konsulluğunun birgə təşkilatçılığı və universitetin azərbaycanlı tələbələrinin iştirakı ilə baş tutan bayram şənliyində diplomatik korpusun, təhsil müəssisələrinin nümayəndələri, müxtəlif millətlərdən olan tələbələr və KİV təmsilçiləri iştirak ediblər.

Tədbir iştirakçılarını salamlayan Xəzər Texnologiya və Mühəndislik Universitetinin prezidenti-rektoru Berik Axmetov, Azərbaycanın Aktau şəhərindəki Baş Konsulluğunun başçısı v.i.e., konsul Elçin Məmmədov və “Azərbaycan Mərkəzi” İctimai Fondunun rəhbəri İlkin Orucov türk xalqlarını Novruz bayramı münasibətilə təbrik ediblər və xoş arzularını bildiriblər.

Tədbir bayram konserti ilə yekunlaşıb.

Tədbir çərçivəsində təşkil edilmiş Azərbaycan guşəsində Novruz bayramına xas milli mətbəx nümunələrimiz təqdim edilib.

Play

00:00
02:10
Mute

Settings
Enter fullscreen

Play
dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/aktaudaki-yessenov-universitetinde-novruz-senliyi-kecirilib-2613