“Azərbaycan diasporu hazırda öz tarixinin ən güclü dövrünü yaşayır” – Şey Gazetesi

Arxangelskdəki Azərbaycan diasporunun rəhbəri “Şimalın sərvəti – 2023” mükafatına layiq görülüb

Abdullah Yiğit — Wed, 27 Dec 2023 09:09:41 +0000

2023

Arxangelskdəki Azərbaycan diasporunun rəhbəri “Şimalın sərvəti – 2023” mükafatına layiq görülüb

Rusiyanın Arxangelsk vilayətində fəaliyyət göstərən Azərbaycan diasporunun rəhbəri Tərlan Qasımov “Şimalın sərvəti – 2023” mükafatının diplomantı adına layiq görülüb.

Pomoryenin əsas ictimai mükafatının təqdimat mərasimində bildirilib ki, “Arxangelsk vilayətinin Azərbaycan diasporu” regional ictimai təşkilatının sədri Tərlan Qasımov yerli ictimai həyatda fəal iştirakına, millətlərarası münasibətlərin möhkəmlənməsində əhəmiyyətli töhfələrinə, dini konfessiyalar arasında səmimi münasibətlər qurduğuna, sistematik xeyriyyə fəaliyyətinə, Azərbaycanla vilayət arasında müxtəlif sahələr üzrə əməkdaşlıq əlaqələrinin inkişafında iştirakına görə mükafatlandırılıb.

Tədbirdə çıxış edən Tərlan Qasımov bu mükafatı Azərbaycan diasporuna göstərilən yüksək etimad kimi qiymətləndirib, “Şimalın sərvəti – 2023” ictimai mükafatının təşkilatçılarına və Arxangelsk vilayəti hökumətinə minnətdarlığını bildirib.

Qeyd edək ki, Azərbaycan diasporunun rəhbəri son 20 ildə ilk dəfədir bu mükafata layiq görülüb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/arxangelskdeki-azerbaycan-diasporunun-rehberi-simalin-serveti-2023-mukafatina-layiq-gorulub-4004

Əli Hüseynli: “Azərbaycan diasporu hazırda öz tarixinin ən güclü dövrünü yaşayır”

Abdullah Yiğit — Tue, 15 Aug 2023 06:23:00 +0000

Əli Hüseynli: “Azərbaycan diasporu hazırda öz tarixinin ən güclü dövrünü yaşayır”

2023

Əli Hüseynli: “Azərbaycan diasporu hazırda öz tarixinin ən güclü dövrünü yaşayır”

“Azərbaycan diasporu hazırda öz tarixinin ən güclü dövrünü yaşayır”.

Bu fikri Azərbaycan Respublikası Milli Məclisi sədrinin birinci müavini Əli Hüseynli Naxçıvanda keçirilən “Diaspor Gənclərinin IV Yay Düşərgəsi”nin rəsmi açılış mərasimində çıxışında səsləndirib.

O qeyd edib ki, Azərbaycan dövləti işğalçı Ermənistanı döyüş meydanında məğlub etdiyi kimi, diasporumuz da böyük imkanlara malik Ermənistan diasporuna beynəlxalq arenada qalib gəlib: “Biz bu üstünlüyü qoruyub saxlamalıyıq. Ona görə də diaspor sıralarında baş verən nəsil dəyişikliyinə adekvat cavab verməli, xarici ölkələrdə yaşayan gənclərimizin Azərbaycanla əlaqələrini indidən möhkəmləndirməliyik. Hesab edirəm ki, Diaspor Gənclərinin Yay düşərgələri kimi layihələrin diasporun fəaliyyətində, təşkilatlanmasında və ana vətənlə əlaqələrin qurulmasında müstəsna əhəmiyyəti var”.

Birinci vitse-spiker Prezident İlham Əliyev kimi Ali Baş Komandanı olan müasir Azərbaycan gəncliyinin xoşbəxt olduğunu bildirib: “Təəssüf ki, 1980-ci illərin sonunda Qarabağ münaqişəsi başlayanda böyük tarixi şəxsiyyət, ulu öndər Heydər Əliyev hakimiyyətdə deyildi. Amma indiki gənclik xoşbəxtdir ki, onun İlham Əliyev kimi Ali Baş Komandanı var. Prezident İlham Əliyev dəfələrlə qeyd edib ki, Qarabağı işğaldan azad edən gənclik məhz onun hakimiyyəti dövründə yetişib. Çünki dövlət başçımız bu gəncliyi vətənpərvərlik ruhunda tərbiyə etdi, onu döyüşə hazırladı. İnanıram ki, bu gənclik Naxçıvanı Zəngəzur dəhlizi vasitəsilə Azərbaycanın əsas hissəsi və Türk Dünyası ilə də birləşdirəcək”.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/eli-huseynli-azerbaycan-diasporu-hazirda-oz-tarixinin-en-guclu-dovrunu-yasayir-3327