Azərbaycan Mədəniyyət Mərkəzi – Şey Gazetesi https://seygazetesi.com Tue, 05 Sep 2023 13:54:47 +0000 tr hourly 1 Komitənin adından bir qrup özbək ictimai xadiminə təşəkkürnamələr təqdim edilib https://seygazetesi.com/komit%c9%99nin-adindan-bir-qrup-ozb%c9%99k-ictimai-xadimin%c9%99-t%c9%99s%c9%99kkurnam%c9%99l%c9%99r-t%c9%99qdim-edilib-h49336.html Tue, 05 Sep 2023 13:54:47 +0000 https://1453kralmedya.com/komit%c9%99nin-adindan-bir-qrup-ozb%c9%99k-ictimai-xadimin%c9%99-t%c9%99s%c9%99kkurnam%c9%99l%c9%99r-t%c9%99qdim-edilib-h49336.html

 

 

 

 

Komitənin adından bir qrup özbək ictimai xadiminə təşəkkürnamələr təqdim edilib

2023

 

 

 

Komitənin adından bir qrup özbək ictimai xadiminə təşəkkürnamələr təqdim edilib

Özbəkistanda fəaliyyət göstərən Heydər Əliyev adına Azərbaycan Mədəniyyət Mərkəzində bir qrup özbək ictimai xadiminə Azərbaycan Respublikasının “Dostluq” ordeni və Diasporla İş üzrə Dövlət Komitəsinin təşəkkürnamələri təqdim edilib.

 

 

 

Tədbirdə çıxış edən mərkəzin direktoru Samir Abbasov bildirib ki, Özbəkistanın bir qrup elm, mədəniyyət və ədəbiyyat xadiminin iki qardaş ölkənin mədəni və diaspor əlaqələrinin inkişafında xidmətləri Azərbaycan dövləti tərəfindən yüksək qiymətləndirilib. Bu münasibətlə Azərbaycan Prezidenti İlham Əliyevin müvafiq Sərəncamı ilə “Dostluq” ordeninə layiq görülən bütün mükafatçılara təbrik sözləri və xoş arzular ünvanlanıb.

 

 

 

 

Sonra Özbəkistan Yazıçılar Birliyinin üzvü, şair Əli Nəsirliyə Azərbaycan Respublikasının “Dostluq” ordeni verilməsi haqqında dövlət başçımızın ötən il imzaladığı Sərəncam oxunub və ali mükafat Sırdəryada yaşayan soydaşımıza təqdim edilib.

Eyni zamanda Diasporla iş üzrə Dövlət Komitəsi adından diaspor fəaliyyətlərindəki xidmətlərə görə Özbəkistan-Azərbaycan Dostluq Cəmiyyətinin icraçı direktoru, professor Erkin Nuriddinova, Əlişir Nəvai adına Daşkənd Dövlət Özbək dili və Ədəbiyyatı Universitetinin dosenti Gülbahar Aşurovaya və Mərkəzi Asiya Beynəlxalq İnstitutunun baş elmi işçisi, tarix elmləri üzrə fəlsəfə doktoru Azər Adıgözəlova təşəkkürnamələr təqdim olunub.

 

 

 

 

Mükafatçılar fəaliyyətlərinə verilən yüksək qiymətə görə Azərbaycan Prezidenti İlham Əliyevə öz minnətdarlıqlarını bildiriblər. Bundan sonra da iki ölkə arasında dostluq və qardaşlıq əlaqələrinin möhkəmləndirilməsi üçün səylə çalışacaqlarını nəzərə çatdırıblar.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/komitenin-adindan-bir-qrup-ozbek-ictimai-xadimine-tesekkurnameler-teqdim-edilib-3427

 

 

]]> Daşkənd şəhərində “Şuşa Günləri”nin açılış mərasimi olub https://seygazetesi.com/dask%c9%99nd-s%c9%99h%c9%99rind%c9%99-susa-gunl%c9%99rinin-acilis-m%c9%99rasimi-olub-h43263.html Thu, 13 Apr 2023 17:02:16 +0000 https://1453kralmedya.com/dask%c9%99nd-s%c9%99h%c9%99rind%c9%99-susa-gunl%c9%99rinin-acilis-m%c9%99rasimi-olub-h43263.html

 

 

 

Daşkənd şəhərində “Şuşa Günləri”nin açılış mərasimi olub
, 2023
Daşkənd şəhərində “Şuşa Günləri”nin açılış mərasimi olub

Özbəkistanda fəaliyyət göstərən Heydər Əliyev adına Azərbaycan Mədəniyyət Mərkəzində “Şuşa Günləri” layihəsinin rəsmi açılış mərasimi keçirilib.

 

 

 

Şuşa şəhərinin türk dünyasının mədəniyyət paytaxtı elan edilməsi çərçivəsində baş tutan tədbir Beynəlxalq Türk Mədəniyyəti və İrsi Fondunun təşəbbüsü və Heydər Əliyev adına Azərbaycan Mədəniyyət Mərkəzinin birgə layihəsi əsasında gerçəkləşdirilib. Mərasimdə Özbəkistanın hökumət rəsmiləri, Beynəlxalq Türk Mədəniyyəti və İrsi Fondunun, Özbəkistanın “Meros” Assosiasiyasının nümayəndələri, türk dövlətlərinin səfirləri, yerli ictimaiyyətin tanınmış şəxsləri və media mənsubları iştirak ediblər.

Öncə müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin mərkəzin önündəki büstü, eləcə də “Şəhidlər və Zəfər” abidə kompleksi ziyarət edilib. Abidələrin önünə çələng və gül-çiçəklər düzülüb.

Tədbir iştirakçılarını salamlayan mərkəzin direktoru Samir Abbasov bildirib ki, Özbəkistanda ilk dəfə keçirilən “Şuşa Günləri” layihəsi hər iki ölkənin mədəni həyatında mühüm hadisədir. Şuşanın Azərbaycan mədəniyyəti, musiqisi və poeziyasında müstəsna rolu, 44 günlük Vətən müharibəsi nəticəsində erməni işğalından qurtulduğu, Prezident İlham Əliyev tərəfindən Azərbaycan mədəniyyətinin paytaxtı elan edildiyi, TURKSOY təşkilatı tərəfindən 2023-cü il üzrə türk dünyasının mədəniyyət paytaxtı elan olunması haqqında qərar verildiyi, Şuşanın yalnız Azərbaycanın deyil, bütün türk dünyasının mədəniyyət paytaxtına çevrildiyi nəzərə çatdırılıb.

Tədbirdə Azərbaycanın Özbəkistandakı səfiri Hüseyn Quliyev, Beynəlxalq Türk Mədəniyyəti və İrsi Fondunun prezidenti Günay Əfəndiyeva, Özbəkistanın mədəniyyət naziri Ozodbek Nazarbekov, Türk Dövlətləri Parlament Assambleyasının Baş katibi Mehmet Sureyya Er və “Meros” Assosiasiyasının direktoru Baxodir Abdukarımov çıxış ediblər.

Natiqlər bu il 100 illiyi qeyd olunan türk dünyasının böyük oğlu Heydər Əliyevin adını daşıyan Azərbaycan Mədəniyyət Mərkəzində “Şuşa Günləri”nin açılış mərasiminin keçirilməsini böyük hadisə kimi dəyərləndiriblər. Azərbaycan dövləti və xalqı üçün xüsusi yerə malik olan Şuşada aparılan bərpa-quruculuq işlərinin və orada keçirilən beynəlxalq tədbirlərin hər bir azərbaycanlıda qürur hissi doğurduğunu vurğulayıblar.

Beynəlxalq Türk Mədəniyyəti və İrsi Fondu tərəfindən dünyanın müxtəlif ölkələrində “Şuşa Günləri”nin keçirilməsinin nəzərdə tutulduğu, ilk tədbirin Bursada gerçəkləşdirildiyi, bu il isə birinci tədbirin Özbəkistanda keçirildiyi diqqətə çatdırılıb. “Şuşa Günləri”nin keçirilməsi ortaq soykökə, dəyərlərə, ənənələrə malik xalqlarımızın mədəniyyətinin qovuşması, Şuşanın əməkdaşlıq məkanına çevrilməsi və türk dünyasında yeni bir dövrün başlanması kimi qiymətləndirilib.

 

 

 

Son illər Özbəkistan və Azərbaycan arasında siyasi əlaqələrin daha da inkişaf etdiyi məmnunluqla vurğulanıb, iki ölkə arasında yüksək səviyyəli mədəni əlaqələrin genişləndiyinə diqqət cəlb edilib. Azərbaycanın ürəyi və türk dünyasının fəxr mənbəyi olan Şuşanın Özbəkistanın Xivə şəhəri ilə qardaşlaşdığını xatırladan natiqlər “Şuşanın Günləri” layihəsinin türk dövlətləri arasında həmrəyliyin və əməkdaşlığın inkişafına xidmət edəcəyinə əminliklərini vurğulayıblar.

Sonra şairə Xurşidbanu Natəvan haqqında sənədli film nümayiş etdirilib.

Tədbirin bədii hissəsində Özbəkistanın xalq artisti, “Yalla” Ansamblının bədii rəhbəri Fərrux Zakirov, azərbaycanlı musiqiçilər Nisbət Sərdayeva, Rüstəm Müslümov, Elnur Salahovdan ibarət muğam triosu, Azərbaycan Mədəniyyət Mərkəzinin nəzdindəki “Azərbaycan qızları” rəqs ansamblı və məşhur “Özbəgim yoshlari” musiqili rəqs qrupu çıxış ediblər. Konsert proqramında Azərbaycan və özbək mahnıları, muğamlar səsləndirilib, milli rəqslər nümayiş etdirilib.

Beynəlxalq Türk Mədəniyyəti və İrsi Fondunun adından rəsmi şəxslərə və təşkilatçılara xatirə hədiyyələri təqdim edilib. Tədbir çərçivəsində “Azad və çiçəklənən Şuşa” adlı foto və nəşr sərgisi təşkil olunub.

Qeyd edək ki, “Şuşa Günləri” layihəsi çərçivəsində Özbəkistanda beynəlxalq konfranslar, kitab təqdimatı, foto və nəşrlərdən ibarət sərgi, Qarabağa aid milli geyimlərin dəb nümayişi, ədəbi-bədii gecələr və konsertlərin təşkili nəzərdə tutulub.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/daskend-seherinde-susa-gunleri-nin-acilis-merasimi-olub-2767

 

 

]]> Özbəkistandakı Azərbaycan diaspor təşkilatları arasında birgə əməkdaşlıq məsələsi müzakirə olunub https://seygazetesi.com/ozb%c9%99kistandaki-az%c9%99rbaycan-diaspor-t%c9%99skilatlari-arasinda-birg%c9%99-%c9%99m%c9%99kdasliq-m%c9%99s%c9%99l%c9%99si-muzakir%c9%99-olunub-h42246.html Sun, 19 Mar 2023 09:29:26 +0000 https://1453kralmedya.com/ozb%c9%99kistandaki-az%c9%99rbaycan-diaspor-t%c9%99skilatlari-arasinda-birg%c9%99-%c9%99m%c9%99kdasliq-m%c9%99s%c9%99l%c9%99si-muzakir%c9%99-olunub-h42246.html

 

 

 

 

Özbəkistandakı Azərbaycan diaspor təşkilatları arasında birgə əməkdaşlıq məsələsi müzakirə olunub
, 2023
Özbəkistandakı Azərbaycan diaspor təşkilatları arasında birgə əməkdaşlıq məsələsi müzakirə olunub
Özbəkistanda fəaliyyət göstərən Heydər Əliyev adına Azərbaycan Mədəniyyət Mərkəzinin və “Respublika Azərbaycan” Milli Mədəniyyət Mərkəzinin Sırdərya vilayəti üzrə təşkilatının əməkdaşları arasında görüş keçirilib.

Görüş zamanı Heydər Əliyev adına Azərbaycan Mədəniyyət Mərkəzinin direktoru Samir Abbasov və “Respublika Azərbaycan” Milli Mədəniyyət Mərkəzinin Sırdəryadakı təşkilatının sədri Əzizağa Bayramov mədəniyyətimizin və incəsənətimizin Özbəkistanda tanıdılması, Sırdərya vilayətindəki diaspor təşkilatının fəaliyyəti, birgə əməkdaşlıq məsələləri və gələcək planlarla bağlı fikir mübadiləsi aparıblar.

“Heydər Əliyev ili” çərçivəsində təşkil ediləcək birgə tədbirlər, Sırdərya vilayətində Azərbaycan incəsənət ustalarının dostluq konsertinin keçirilməsi və sair məsələlər barədə razılıq əldə olunub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/ozbekistandaki-azerbaycan-diaspor-teskilatlari-arasinda-birge-emekdasliq-meselesi-muzakire-olunub-2607

 

 

]]> Rusiyanın müxtəlif vilayətlərində 20 Yanvar şəhidlərinin xatirəsi yad edilib https://seygazetesi.com/rusiyanin-muxt%c9%99lif-vilay%c9%99tl%c9%99rind%c9%99-20-yanvar-s%c9%99hidl%c9%99rinin-xatir%c9%99si-yad-edilib-h39977.html Mon, 23 Jan 2023 16:52:00 +0000 https://1453kralmedya.com/rusiyanin-muxt%c9%99lif-vilay%c9%99tl%c9%99rind%c9%99-20-yanvar-s%c9%99hidl%c9%99rinin-xatir%c9%99si-yad-edilib-h39977.html

 

 

Rusiyanın müxtəlif vilayətlərində 20 Yanvar şəhidlərinin xatirəsi yad edilib

23 yanvar, 2023

Rusiyanın müxtəlif vilayətlərində 20 Yanvar şəhidlərinin xatirəsi yad edilib

Rusiyanın Orenburq, Kirov vilayətlərində və Perm diyarında 20 Yanvar – Ümumxalq Hüzn Günü ilə əlaqədar anım tədbirləri keçirilib.

Tədbirlərdə “Orenburq Azərbaycan diasporu” regional icimai təşkilatının sədri İlkin Paşayev, Kirov şəhərindəki “Birlik” Azərbaycan Mədəniyyət Mərkəzi regional ictimai təşkilartının sədri Osman Alıyev və Solikamsk şəhərindəki Azərbaycan diasporunun sədri Uğur Əfəndiyev çıxış ediblər. Bildirilib ki, başda Mixail Qorbaçov olmaqla SSRİ-nin hərbi-siyasi rəhbərliyinin göstərişi ilə 1990-cı il yanvarın 19-dan 20-nə keçən gecə Bakıda dinc sakinlərə qarşı xüsusi qəddarlıqla hərbi cinayət törədilib. Hərbi təcavüzün Azərbaycanda milli azadlıq hərəkatını boğmaq, xalqın inamını və iradəsini qırmaq məqsədilə törədildiyi nəzərə çatdırılıb.

Faciənin ertəsi günü – yanvarın 21-də dahi şəxsiyyət Heydər Əliyev ailə üzvləri ilə birlikdə Azərbaycanın Moskvadakı daimi nümayəndəliyinə gedərək xalqla birgə olduğunu bəyan etdiyi və Bakıdakı terror aktına rəvac verən ermənipərəst Qorbaçovu və onun komandasını cinayətkar adlandırdığı yada salınıb. Azərbaycanda hakimiyyətə qayıdışından sonra məhz Heydər Əliyevin təşəbbüsü ilə bu cinayətə dövlət səviyyəsində siyasi-hüquqi qiymət verildiyini vurğulayan diaspor sədrləri qeyd ediblər ki, Prezident İlham Əliyevin qətiyyətli rəhbərliyi ilə Qarabağda parlaq zəfərə nail olan qalib xalqımız və dünya azərbaycanlıları milli azadlıq mücadiləsi yolunda canlarından keçmiş 20 Yanvar şəhidlərinin qəhrəmanlığını heç bir zaman unutmayacaq.

Tədbir çərçivəsində 20 Yanvar hadisələrini əks etdirən anım guşələri təşkil edilib. Soydaşlarımız və onların övladları 20 Yanvar şəhidlərinin xatirəsini ehtiramla yad ediblər, anım guşəsinə qərənfillər düzüblər.

FOTO QALEREYA

 

 

 

dostların arasında bunu ilk tövsiyyə edən sən ol

 

DIGƏR XƏBƏRLƏR

kaynak:http://diaspor.gov.az/az/news-detail/rusiyanin-muxtelif-vilayetlerinde-20-yanvar-sehidlerinin-xatiresi-yad-edilib-2206

 

 

]]>