2026

Dövlət Komitəsində Prezident İlham Əliyevin Yeni Azərbaycan Partiyasının VIII Qurultayındakı nitqindən irəli gələn məsələlər müzakirə olunub

Diasporla İş üzrə Dövlət Komitəsində Azərbaycan Respublikasının Prezidenti cənab İlham Əliyevin Yeni Azərbaycan Partiyasının (YAP) VIII Qurultayındakı proqram xarakterli nitqindən irəli gələn məsələlər müzakirə olunub.

Tədbirdə Diasporla İş üzrə Dövlət Komitəsinin rəhbərliyi və əməkdaşları, YAP Nəsimi rayon təşkilatının rəhbər heyəti və nümayəndələri iştirak ediblər.

Əvvəlcə Azərbaycan Respublikasının Dövlət Himni səsləndirilib, Ümummilli Lider Heydər Əliyevin və ölkəmizin ərazi bütövlüyü uğrunda canlarından keçən şəhidlərin əziz xatirəsi bir dəqiqəlik sükutla yad edilib.

YAP Nəsimi rayon təşkilatının sədri Azər Süleymanov çıxışında Prezident İlham Əliyevin nitqinin qarşıdakı dövr üçün əsas vəzifələri müəyyənləşdirdiyini vurğulayıb. Nitqdə irəli sürülən vəzifələrin öyrənilməsinin və təbliğinin, Azərbaycanın tarixinin gənc nəslə çatdırılmasının, informasiya mübarizəsində fəallığın artırılmasının, eləcə də “Böyük Qayıdış” proqramına ictimai dəstəyin göstərilməsinin vacibliyini qeyd edib.

Diasporla İş üzrə Dövlət Komitəsi sədrinin birinci müavini, YAP İlk Ərazi Partiya Təşkilatının sədri Valeh Hacıyev ölkəmizin əldə etdiyi nailiyyətlərdən və suverenliyin möhkəmləndirilməsi istiqamətində görülən işlərdən danışıb. O, Ümummilli Lider Heydər Əliyevin dövlətçilik irsinin və azərbaycançılıq ideologiyasının yaşadılmasının, Prezident İlham Əliyevin rəhbərliyi ilə dünya azərbaycanlılarının milli həmrəyliyinin möhkəmləndirilməsinin, onların milli-mənəvi dəyərlərimizin qorunması və təbliğində fəal iştirakının dövlət siyasətinin əsas istiqamətlərindən biri olduğunu söyləyib.

YAP Nəsimi rayon təşkilatının sədr müavini Abbas Pənahov “Böyük Qayıdış” proqramının hədəfləri, ölkənin dayanıqlı iqtisadi inkişafı, eləcə də siyasi və iqtisadi sahələrdə əldə olunan nailiyyətlərdən bəhs edib.

Diasporla İş üzrə Dövlət Komitəsinin əməkdaşı, YAP İlk Ərazi Partiya Təşkilatı sədrinin müavini Qismət Əhmədov ərazi bütövlüyümüzün və suverenliyimizin tam bərpasından sonra keçirilən YAP Qurultayının və Prezident İlham Əliyevin proqram xarakterli nitqinin əhəmiyyətindən danışıb.

Tədbir Ümummilli Lider Heydər Əliyevin Yeni Azərbaycan Partiyasının I Qurultayındakı nitqinin və partiyanın himninin səsləndirildiyi videoçarxın nümayişi ilə başa çatıb.

Foto qalereya

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/dovlet-komitesinde-prezident-ilham-eliyevin-yeni-azerbaycan-partiyasinin-viii-qurultayindaki-nitqinden-ireli-gelen-meseleler-muzakire-olunub-7469

https://x.com/DiasporaAz/status/2116032316854407583

29 sentyabr, 2026

Diasporla İş üzrə Dövlət Komitəsi – İstanbulda 27 Sentyabr – Anım Gününə həsr olunan tədbir keçirilib

Türkiyənin İstanbul şəhərində 27 Sentyabr – Anım Günü ilə əlaqədar tədbir təşkil olunub.

Türkiyə-Azərbaycan Dərnəkləri Federasiyası (TADEF) təşkilatçılığı ilə keçirilən tədbir Azərbaycan və Türkiyənin Dövlət himnlərinin səsləndirilməsi ilə başlayıb. İki qardaş ölkənin şəhidlərinin xatirəsi bir dəqiqəlik sükutla yad edilib.

Daha sonra Azərbaycan Respublikasının Diasporla İş üzrə Dövlət Komitəsinin Vətən müharibəsi dövründə həyata keçirdiyi fəaliyyətləri əks etdirən videoçarx nümayiş olunub.

Tədbirdə Milli Məclis sədrinin müavini, professor Musa Qasımlı, Diasporla İş üzrə Dövlət Komitəsi sədrinin birinci müavini Valeh Hacıyev, Milli Məclisin deputatı Məşhur Məmmədov, Azərbaycanın İstanbul şəhərindəki Baş Konsulu Zamin Əliyev, Türkiyə Böyük Millət Məclisinin deputatı, Azərbaycan-Türkiyə parlamentlərarası dostluq qrupunun rəhbəri Şamil Ayrım, Bağcılar rayon kaymakamı Abdullah Uçqun, Bağcılar Bələdiyyəsinin sədr müavini Ali Ərdoğan və Türkiyə-Azərbaycan Dərnəkləri Federasiyasının sədri Ədalət Turan çıxış edib.

Çıxışlarda Müzəffər Ali Baş Komandan İlham Əliyevin rəhbərliyi ilə qazanılan bu tarixi qələbənin Azərbaycanın ərazi bütövlüyünün və suverenliyinin bərpası baxımından mühüm əhəmiyyət daşıdığı vurğulanıb. Həmçinin Qarabağ Zəfərinə gedən yoldan, şəhidlərimizin qəhrəmanlığından və 44 günlük Vətən müharibəsində qazanılan tarixi qələbənin əhəmiyyətindən bəhs edilib. Bildirilib ki, əldə olunan Zəfər Azərbaycanın dövlətçilik tarixində mühüm mərhələ olmaqla yanaşı, ölkəmizin beynəlxalq hüquqla tanınmış ərazi bütövlüyünün və suverenliyinin təmin edilməsində həlledici rol oynayıb.

Natiqlər Azərbaycan-Türkiyə qardaşlığının tarixi bağlarına toxunaraq, iki ölkə arasındakı həmrəyliyin və birliyin əhəmiyyətini vurğulayıblar.

Foto qalereya

dostların arasında bunu ilk tövsiyyə edən sən ol

Digər xəbərlər

mənbə: https://diaspor.gov.az/az/news-detail/istanbulda-27-sentyabr-anim-gunune-hesr-olunan-tedbir-kecirilib-7388

https://x.com/DiasporaAz/status/2104898515487043857

Türkiyənin Ədirnə şəhərinin Trakya Universitetində 27 Sentyabr – Anım Gününə həsr olunan “Zəfərə doğru uzanan yol” adlı konfrans keçirilib.

Konfrans Ədirnə Valiliyinin, Trakya Universitetinin, Azərbaycan Respublikasının Diasporla İş üzrə Dövlət Komitəsinin, Azərbaycanın İstanbul şəhərindəki Baş Konsulluğunun, Türkiyə-Azərbaycan Dərnəkləri Federasiyasının (TADEF) və Ədirnə Azərbaycan Evi Mədəniyyət və Həmrəylik Dərnəyinin birgə təşkilatçılığı ilə keçirilib.

Tədbirdə Azərbaycan və Türkiyənin dövlət və ictimaiyyət nümayəndələri, millət vəkilləri, diplomatlar, diaspor təşkilatlarının rəhbərləri, Trakya Universitetinin professor-müəllim heyəti, tələbələr və digər qonaqlar iştirak ediblər.

İştirakçılar əvvəlcə Ermənistanın işğalçılıq siyasəti nəticəsində Azərbaycan ərazilərində törədilən vandalizm və dağıntıları əks etdirən fotosərgi ilə tanış olublar.

Daha sonra konfrans öz işinə başlayıb. Azərbaycanın ərazi bütövlüyü və suverenliyi uğrunda canlarından keçən qəhrəman şəhidlərin əziz xatirəsi bir dəqiqəlik sükutla yad edilib, ardınca Azərbaycan və Türkiyənin Dövlət himnləri səsləndirilib.

Konfransda Diasporla İş üzrə Dövlət Komitəsinin Vətən müharibəsi dövründə xarici ölkələrdə keçirdiyi aksiya və mitinqləri, eləcə də Azərbaycan Respublikasının Prezidenti İlham Əliyevin həmin dövrdə beynəlxalq və xarici media nümayəndələrinə müsahibə və çıxışlarını əks etdirən videoçarx nümayiş olunub.

Tədbirdə Azərbaycan Respublikasının Diasporla İş üzrə Dövlət Komitəsinin sədrinin birinci müavini Valeh Hacıyev, Azərbaycanın İstanbuldakı Baş konsulu Zamin Əliyev, Türkiyə Böyük Millət Məclisinin deputatı, Azərbaycan-Türkiyə parlamentlərarası dostluq qrupunun rəhbəri Şamil Ayrım, Ədirnə Bələdiyyə başqanı Filiz Fencan, Trakya Universitetinin rektoru, professor Mustafa Hatipler, Ədirnə Valisinin müavini Şevket Atlı, Türkiyə-Azərbaycan Dərnəkləri Federasiyasının (TADEF) sədri Adalət Turan və Ədirnə Azərbaycan Evi Mədəniyyət və Həmrəylik Dərnəyinin sədri Tamer Karadağ çıxış ediblər.

Çıxışlarda 27 Sentyabr – Anım Gününün əhəmiyyəti, Azərbaycanın ərazi bütövlüyünün və suverenliyinin bərpası, Vətən müharibəsində qazanılmış tarixi Zəfərə aparan yol, Ermənistanın işğal dövründə Azərbaycan ərazilərində törətdiyi vandalizm, eləcə də Azərbaycan-Türkiyə qardaşlığı və strateji müttəfiqliyinin əhəmiyyəti vurğulanıb.

Konfrans panel müzakirəsi ilə davam edib. Paneldə Azərbaycan Respublikası Milli Məclisi sədrinin müavini, professor Musa Qasımlı Vətən müharibəsinin tarixi və siyasi əhəmiyyəti, Zəfərə aparan yol və müharibənin nəticələrindən danışıb.

Bədii hissədə Azərbaycan Respublikasının Xalq artisti Əlixan Səmədov, Mersin Universitetinin müəllimi Mələk Qocayevanın müşayiətilə Əməkdar artist Anar Şuşalının ifasında Azərbaycan-Türkiyə qardaşlığına və müttəfiqliyinə, xalqımızın qəhrəmanlığına həsr olunan musiqi nömrələri təqdim edilib.

Diasporla İş üzrə Dövlət Komitəsi – Trakya Universitetində “Zəfərə doğru uzanan yol” adlı konfrans keçirilib

https://x.com/DiasporaAz/status/2104171866395177223

2026

İsay Skvirski “Diaspor fəaliyyətində xidmətə görə” medalı ilə təltif olunub

Azərbaycan Respublikasının Diasporla İş üzrə Dövlət Komitəsinin sədrinin birinci müavini Valeh Hacıyev İsraildəki Azərbaycan diasporunun fəal üzvü İsay Aronoviç Skvirskinin oğlu Vladimir Skvirskini qəbul edib.

Sədrin birinci müavini qonağı səmimi salamlayaraq, İsay Skvirskinin uzun illər İsraildə Azərbaycan diasporunun inkişafına verdiyi töhfələri, ölkəmizin tarixi həqiqətlərinin, zəngin mədəni irsinin və milli-mənəvi dəyərlərinin təbliği istiqamətində həyata keçirdiyi ardıcıl fəaliyyəti yüksək qiymətləndirib. Azərbaycan dövlətinin xaricdə yaşayan soydaşlarımızın milli maraqlarımızın qorunması, diaspor quruculuğu və ölkəmizin beynəlxalq nüfuzunun möhkəmləndirilməsi istiqamətində göstərdikləri xidmətlərə xüsusi önəm verdiyini qeyd edib. Bu baxımdan, “Diaspor fəaliyyətində xidmətə görə” medalının xaricdə yaşayan soydaşlarımızın Vətənə sədaqətinin, milli kimliyə bağlılığının və Azərbaycan naminə gördükləri işlərin dövlət səviyyəsində yüksək qiymətləndirilməsinin ifadəsi olduğunu bildirib.

Görüşdə Azərbaycanın multikultural dəyərləri, tolerantlıq ənənələri, milli-mənəvi irsinin qorunması, eləcə də dünyanın müxtəlif ölkələrində yaşayan soydaşlarımızın Vətənlə əlaqələrinin daha da möhkəmləndirilməsinin əhəmiyyəti vurğulanıb.

İsay Skvirskinin səhhəti ilə əlaqədar medalı şəxsən qəbul edə bilmədiyi nəzərə alınaraq, “Diaspor fəaliyyətində xidmətə görə” medalı oğlu Vladimir Skvirskiyə təqdim olunub.

Vladimir Skvirski atasına göstərilən yüksək etimada görə Azərbaycan dövlətinə minnətdarlığını ifadə edib. O bu mükafatın ailələri üçün böyük mənəvi dəyər daşıdığını, eyni zamanda İsay Skvirskinin Azərbaycanla bağlı fəaliyyətinə verilən yüksək qiymətin göstəricisi olduğunu bildirib.

Görüşdə, həmçinin Azərbaycan diasporunun gələcək fəaliyyəti, xaricdə yaşayan soydaşlarımız arasında birliyin daha da gücləndirilməsi, yeni əməkdaşlıq imkanları və Azərbaycan həqiqətlərinin beynəlxalq ictimaiyyətə çatdırılması istiqamətində görülən işlər barədə fikir mübadiləsi aparılıb.

dostların arasında bunu ilk tövsiyyə edən sən ol

Digər xəbərlər

mənbə: https://diaspor.gov.az/az/news-detail/isay-skvirski-diaspor-fealiyyetinde-xidmete-gore-medali-ile-teltif-olunub-7357

16 sentyabr, 2026

Azərbaycan-Türkiyə diaspor əməkdaşlığının perspektivləri müzakirə olunub

Azərbaycan Respublikasının Diasporla İş üzrə Dövlət Komitəsinin sədri Fuad Muradov Türkiyənin hakim Ədalət və İnkişaf Partiyası sədrinin müavini, millət vəkili, Türk Dövlətləri ilə Əlaqələr Baş İdarəsinin sədri Kürşad Zorlu, həmin qurumun sədr müavini Temel Akyürək və Beynəlxalq Demokratlar Birliyinin Azərbaycan nümayəndəliyinin rəhbəri Cengiz Aygörlə görüşüb.

Komitənin beynəlxalq miqyasda həyata keçirdiyi layihələr barədə məlumat verən sədr Azərbaycan-Türkiyə münasibətlərinin tarixi köklərə, qarşılıqlı etimada və möhkəm dostluq prinsiplərinə əsaslandığını vurğulayıb. Qeyd olunub ki, Azərbaycan və Türkiyə arasında münasibətlərin strateji tərəfdaşlıq səviyyəsinə yüksəlməsində hər iki ölkənin dövlət başçıları İlham Əliyev və Rəcəb Tayyib Ərdoğanın əzmi, siyasi iradəsi, qətiyyəti və qarşılıqlı səyləri mühüm rol oynayıb. Bu siyasi iradənin nəticəsi olaraq iki qardaş ölkə arasında bütün sahələri, o cümlədən diaspor fəaliyyətini əhatə edən, gündən-günə möhkəmlənən və sarsılmaz xarakter alan münasibətlər formalaşıb.

Bildirilib ki, Azərbaycan həqiqətlərinin dünyaya çatdırılması, milli-mədəni dəyərlərimizin təbliği, xaricdə yaşayan soydaşlarımızın bir araya gətirilməsi və Azərbaycan diasporunun fəaliyyətinin əlaqələndirilməsi istiqamətində mühüm layihələr həyata keçirilir. Bu çərçivədə hazırda dünyanın 21 ölkəsində 33 Azərbaycan Evinin mövcudluğuna diqqət çəkilib. Həmin evlərdən bir neçəsinin Türkiyədə yerləşməsi və burada yaşayan azərbaycanlıların vahid platforma ətrafında birləşməsinə, milli-mədəni irsimizin qorunub yaşadılmasına, Azərbaycan-Türkiyə qardaşlığının daha da möhkəmləndirilməsinə töhfələr verdiyi vurğulanıb.

Kürşad Zorlu çıxışında türkdilli dövlətlər arasında əməkdaşlığın daha da genişləndirilməsinin və ortaq təşəbbüslərin artırılmasının vacibliyindən danışıb. O, müasir texnologiyaların yaratdığı imkanların xaricdə yaşayan soydaşların daha çevik və effektiv şəkildə bir araya gətirilməsi, onların vahid rəqəmsal platformalar üzərindən əlaqələndirilməsi baxımından mühüm əhəmiyyət daşıdığını vurğulayıb. Qeyd edib ki, rəqəmsal imkanlardan məqsədyönlü istifadə diaspor təşkilatları arasında informasiya mübadiləsini sürətləndirməklə yanaşı, müxtəlif ölkələrdə yaşayan soydaşların ortaq məqsədlər ətrafında daha sıx əməkdaşlığına şərait yarada bilər. O, Diasporla İş üzrə Dövlət Komitəsinin bu istiqamətdə həyata keçirdiyi layihə və proqramları yüksək qiymətləndirdiyini qeyd edib.

Səmərəli fikir mübadiləsi ilə davam edən görüşdə perspektivə dair təkliflər səslənib, real əməkdaş imkanları nəzərdən keçirilib.

Foto qalereya

dostların arasında bunu ilk tövsiyyə edən sən ol

Digər xəbərlər

mənbə:  https://diaspor.gov.az/az/news-detail/azerbaycan-turkiye-diaspor-emekdasliginin-perspektivleri-muzakire-olunub-7354

2026

Türkiyədə qlobal diaspor məsələləri müzakirə olunub

Azərbaycan Respublikasının Diasporla İş üzrə Dövlət Komitəsinin sədri Fuad Muradov Türkiyəyə səfəri çərçivəsində Pakistan İslam Respublikasının Xaricdə Yaşayan Pakistanlılar və İnsan Resurslarının İnkişafı naziri Çaudri Salik Hüseyn, Nigeriya Diaspor Komissiyasının sədri Abike Dabiri-Erewa və Türk Əməkdaşlıq və Koordinasiya Agentliyinin sədri Abdullah Eren ilə görüşlər keçirib.

Görüşlərdə Azərbaycanın diaspor siyasəti, xaricdə yaşayan soydaşlarla əlaqələrin möhkəmləndirilməsi, diaspor təşkilatları arasında əməkdaşlığın genişləndirilməsi, təcrübə mübadiləsinin təşviqi və birgə layihələrin həyata keçirilməsi məsələləri müzakirə olunub. Eyni zamanda İslam Əməkdaşlıq Təşkilatı çərçivəsində əməkdaşlıq imkanları, beynəlxalq platformalarda ortaq təşəbbüslərlə çıxış edilməsi, eləcə də Azərbaycan və Türkiyənin qardaşlığının üçüncü ölkələrdə birgə təşviqi istiqamətində fikir mübadiləsi aparılıb.

Komitə sədri beynəlxalq tərəfdaşlarla əməkdaşlığın genişləndirilməsinin, Azərbaycan diasporunun fəaliyyətinin daha da gücləndirilməsinin və xaricdə yaşayan azərbaycanlıların potensialının vahid məqsədlər ətrafında səfərbər edilməsinin prioritet istiqamətlərdən olduğunu bildirib.

Tərəflər rəhbərlik etdikləri qurumların fəaliyyəti barədə məlumat verərək, Azərbaycanla diaspor sahəsində əməkdaşlığın inkişafında maraqlı olduqlarını ifadə ediblər. Həmçinin mövcud əlaqələrin genişləndirilməsi, yeni birgə layihələrin hazırlanması ilə bağlı razılıq əldə olunub.

Görüşlərdə Diasporla İş üzrə Dövlət Komitəsinin sədrinin birinci müavini Valeh Hacıyev, Türkiyə–Azərbaycan Dərnəkləri Federasiyasının sədrinin müşaviri Pərviz Məmmədzadə, Pakistanın Türkiyədəki Səfirliyinin üçüncü katibi Mürva Suleyman və digər rəsmi şəxslər iştirak ediblər.

Foto qalereya

dostların arasında bunu ilk tövsiyyə edən sən ol

Digər xəbərlər

mənbə:  https://diaspor.gov.az/az/news-detail/turkiyede-qlobal-diaspor-meseleleri-muzakire-olunub-7339

2026

Ankarada Azərbaycan icması ilə həmrəylik, əməkdaşlıq və diaspor fəaliyyətinin inkişafı müzakirə olunub

Türkiyə Respublikasının paytaxtı Ankara şəhərində Azərbaycan icması ilə geniştərkibli görüş keçirilib. Görüşdə Azərbaycan Respublikasının Diasporla İş üzrə Dövlət Komitəsinin sədri Fuad Muradov iştirak edib.

Ankara şəhərində fəaliyyət göstərən Azərbaycan diaspor təşkilatlarının rəhbərləri, ziyalılar, ictimaiyyət nümayəndələrinin iştirak etdiyi görüş Azərbaycan və Türkiyənin Dövlət himnlərinin səsləndirilməsi, hər iki ölkənin ərazi bütövlüyü uğrunda canından keçən şəhidlərin əziz xatirəsinin ehtiramla yad edilməsi ilə başlayıb.

Azaflı Sosial Yardım və Mədəniyyət Dərnəyinin sədri Arzuman Azaflı çıxış edib və belə səmimi görüşlərin təşkil olunmasının, hər zaman Azərbaycan dövlətinin dəstəyinin hiss olunmasının soydaşlarımız üçün çox qiymətli olduğunu bildirib. Türkiyə Böyük Millət Məclisinin deputatı, əslən Azərbaycandan olan Şamil Ayrım icma fəaliyyəti ilə bağlı bir sıra məqamlara toxunub, Türkiyədəki azərbaycanlılara hər zaman diqqət və qayğı göstərildiyini nəzərə çatdırıb. Türkiyə-Azərbaycan Dərnəkləri Federasiyasının sədr müavini Pərviz Məmmədzadə görülən işlər, həyata keçirilən layihələr barədə geniş məlumat verib.

Çıxışlarda diaspor təşkilatları arasında koordinasiyanın artırılmasının və Türkiyə ictimaiyyəti ilə əlaqələrin daha da inkişaf etdirilməsinin vacibliyi xüsusi vurğulanıb.

“Prezident İlham Əliyevin rəhbərliyi ilə həyata keçirilən diaspor siyasəti uzunmüddətli və sistemli əməkdaşlıq, qarşılıqlı dəstək, peşəkar təşkilatlanma və vahid məqsədlər ətrafında həmrəyliyin möhkəmləndirilməsi üzərində qurulub” – çıxışına bu sözlərlə başlayan Azərbaycan Respublikasının Diasporla İş üzrə Dövlət Komitəsinin sədri Fuad Muradov komitənin fəaliyyəti, dünya azərbaycanlılarının diaspor şəbəkələri, həyata keçirilən layihələr, qlobal diaspor hərəkatında Azərbaycan diasporunun yeri barədə müfəssəl məlumat verib. Bildirilib ki, Ankara kimi siyasi və ictimai baxımdan mühüm bir mərkəzdə fəaliyyət göstərən Azərbaycan icmasının fəallığının daha da artırılması, diaspor qurumları arasında əməkdaşlığın gücləndirilməsi və yeni layihələrin həyata keçirilməsi ümummilli maraqlar baxımından xüsusi əhəmiyyət daşıyır.

Görüş iştirakçıları ilə geniş fikir mübadiləsi aparılıb, iştirakçıların sualları cavablandırılıb. Soydaşlarımız qarşılaşdıqları problemlərdən danışıb, yeni əməkdaşlıq imkanları barədə təkliflərini və təşəbbüslərini diqqətə çatdırıblar.

Görüş çərçivəsində Azərbaycan diaspor fəaliyyətinə verdikləri töhfələrə görə heykəltaraş-rəssam Səyad Rüstəmova və Ankara Universitetinin Hüquq Fakültəsinin professoru Cavid Abdullazadəyə təltif olunduqları “Diaspor fəaliyyətində xidmətə görə” Azərbaycan Respublikasının medalı təqdim olunub.

Ankarada keçirilən görüş Azərbaycan icmasının vahid məqsədlər ətrafında daha sıx birləşməsi, diaspor təşkilatları arasında əməkdaşlığın gücləndirilməsi və soydaşlarımızın yaşadıqları cəmiyyətdə Azərbaycanı layiqincə təmsil etmələri istiqamətində yeni imkanların müəyyənləşdirilməsi ilə yadda qalıb.

Qeyd edək ki, Diasporla İş üzrə Dövlət Komitəsi son bir neçə ildə xaricdə yaşayan azərbaycanlılarla intensiv şəkildə görüşlər təşkil edir. Təkcə 2025-ci ildə komitə sədri və əməkdaşlarının 30 ölkəyə 100-ə yaxın səfəri təşkil olunub, müxtəlif ölkələrdə keçirilən icma görüşlərində minlərlə azərbaycanlı iştirak edib.

Foto qalereya

dostların arasında bunu ilk tövsiyyə edən sən ol

Digər xəbərlər

mənbə: https://diaspor.gov.az/az/news-detail/ankarada-azerbaycan-icmasi-ile-hemreylik-emekdasliq-ve-diaspor-fealiyyetinin-inkisafi-muzakire-olunub-7338

2026

I Müsəlman Diaspor Forumu işini başa vurub

Türkiyənin paytaxtı Ankarada keçirilən “Köklərdən yollara” adlı I Müsəlman Diaspor Forumu qlobal diaspor siyasəti, xaricdə yaşayan icmalarla əlaqələrin inkişafı, təşkilatlanma və digər aktual məsələlərə həsr olunan panel sessiyaları ilə işini yekunlaşdırıb.

“Diaspor üçün dövlət xidmətlərinin qiymətləndirilməsi və vətənlə diaspor arasında qarşılıqlı əlaqələrin gücləndirilməsi üzrə ən yaxşı təcrübə nümunələri” və “Diasporda birlik: cari ehtiyaclar, ümumi həllər” mövzusunda keçirilən panellərdə müxtəlif ölkələrin diaspor qurumlarının təmsilçiləri iştirak və çıxış edib. Müzakirələrdə Azərbaycan Respublikasının Diasporla İş üzrə Dövlət Komitəsi sədrinin birinci müavini Valeh Hacıyev məruzə ilə çıxış edib. Valeh Hacıyev Azərbaycanın diaspor siyasətinin əsas istiqamətləri, xaricdə yaşayan soydaşlarımızla əlaqələrin inkişaf etdirilməsi məqsədilə həyata keçirilən layihələr və əldə olunan nəticələr barədə məlumat verib. O bildirib ki, Azərbaycan dövləti dünya azərbaycanlıları ilə əlaqələrin möhkəmləndirilməsinə, onların təşkilatlanmasının dəstəklənməsinə, milli-mədəni dəyərlərin qorunub saxlanılmasına və yaşadıqları ölkələrin ictimai həyatında fəal iştirakına xüsusi önəm verir.

Sessiyalarda geniş fikir mübadiləsi aparılıb, perspektivə dair təkliflər səslənib. Müzakirələr “Müsəlman Diasporlarının Bəyannaməsi”nin qəbul edilməsi ilə yekunlaşıb. Sənəddə müsəlman diasporları arasında həmrəyliyin gücləndirilməsi, əməkdaşlıq platformalarının inkişaf etdirilməsi və ortaq dəyərlərin qorunması istiqamətində mühüm müddəalar əksini tapıb.

İştirakçılar “Köklərdən yollara” adlı I Müsəlman Diaspor Forumunun işini yüksək qiymətləndirib və bu müzakirələri gələcək əməkdaşlıq üçün vacib platforma hesab etdiklərini vurğulayıblar.

Foto qalereya

dostların arasında bunu ilk tövsiyyə edən sən ol

mənbə: https://diaspor.gov.az/az/news-detail/i-muselman-diaspor-forumu-isini-basa-vurub-7337

2024

Estoniyadakı diaspor təşkilatının rəhbəri medalla təltif olunub

https://x.com/DiasporaAz/status/1866791883395174580

Azərbaycan Respublikasının Prezidenti İlham Əliyevin Sərəncamına əsasən “Aydan” Estoniya-Azərbaycan Mədəniyyət Mərkəzinin rəhbəri Niyazi Hacıyev diaspor fəaliyyətində xidmətlərinə görə “Heydər Əliyevin 100 illiyi (1923-2023)” yubiley medalı ilə təltif olunub.

https://x.com/DiasporaAz/status/1866791883395174580

Diasporla İş üzrə Dövlət Komitəsi sədrinin birinci müavini Valeh Hacıyev Komitədə Niyazi Hacıyevlə görüşərək medalı ona təqdim edib. Soydaşımızın Azərbaycan diasporunun inkişafı, ölkəmizin xaricdə tanıdılması istiqamətində fəaliyyətini yüksək qiymətləndirib, gələcək fəaliyyətlərində ona uğurlar arzulayıb.

https://x.com/DiasporaAz/status/1866791883395174580

Niyazi Hacıyev fəaliyyətinə verilən yüksək qiymətə görə Azərbaycan dövlətinin başçısına dərin minnətdarlığını ifadə edib. Bundan sonra da Avropada Azərbaycanla bağlı müsbət imicin formalaşması, Estoniyada yaşayan soydaşlarımızın bir araya gəlməsi və milli maraqlar uğrunda birgə fəaliyyət göstərməsi naminə səylərini əsirgəməyəcəyini vurğulayıb.

Qeyd edək ki, Niyazi Hacıyev daha öncə “Tərəqqi” və “Diaspor fəaliyyətində xidmətə görə” medalları ilə təltif edilib.

Foto qalereya

dostların arasında bunu ilk tövsiyyə edən sən ol
Digər xəbərlər

kaynak:https://diaspor.gov.az/az/news-detail/estoniyadaki-diaspor-teskilatinin-rehberi-medalla-teltif-olunub-5372

https://x.com/DiasporaAz/status/1866791883395174580

27 noyabr, 2024

Azərbaycanlı Elm Adamları Dərnəyinin ilk ümumi iclası keçirilib

Türkiyədə fəaliyyət göstərən Azərbaycanlı Elm Adamları Dərnəyinin (ABİD) İstanbulda ilk ümumi iclası keçirilib. İclas Diasporla İş üzrə Dövlət Komitəsi, Türkiyə-Azərbaycan Dərnəkləri Federasiyası (TADEF) və ABİD-nin birgə təşkilatçılığı ilə baş tutub.

https://x.com/DiasporaAz/status/1861722810134970685

İştirakçılar iclasdan əvvəl İstanbul şəhərinin Sarıyer rayonunda yerləşən Heydər Əliyev parkında xalqımızın Ümummilli Lideri, müasir Azərbaycan dövlətinin qurucusu, dahi siyasətçinin abidəsi ziyarət edib, gül dəstələri düzüb.

https://x.com/DiasporaAz/status/1861722810134970685

Azərbaycanın və Türkiyənin Dövlət himnlərinin səsləndirilməsi ilə başlayan tədbirdə şəhidlərimizin əziz xatirəsi ehtiramla yad edilib. Sonra Bakı şəhərində uğurla keçirilən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) və Azərbaycan Prezidenti İlham Əliyevin Liderlər Sammitində çıxışı ilə bağlı videoçarx göstərilib.

İclasda Diasporla İş üzrə Dövlət Komitəsi sədrinin birinci müavini Valeh Hacıyev, Türkiyə Böyük Millət Məclisinin (TBMM) deputatı, Türkiyə-Azərbaycan parlamentlərarası dostluq qrupunun rəhbəri Şamil Ayrım, Bakı Dövlət Universitetinin rektoru Elçin Babayev, Azərbaycan Texniki Universitetinin rektoru Vilayət Vəliyev, Azərbaycan Memarlıq və İnşaat Universitetinin rektoru Gülçöhrə Məmmədova, Azərbaycan Dövlət Pedaqoji Universitetinin rektoru Cəfər Cəfərov, Azərbaycanın Türkiyədəki Səfirliyinin təhsil məsələləri üzrə müşaviri, dosent Nəcibə Nəsibova, Elm və Təhsil Nazirliyi yanında Elm və Ali Təhsil üzrə Dövlət Agentliyinin Beynəlxalq əməkdaşlıq şöbəsinin müdiri Müjdət Həsənov, Azərbaycan Dövlət İqtisad Universitetinin (UNEC) prorektoru Rövnəq Rzayev, Qarabağ Universitetinin Elm şöbəsinin müdiri Elçin İbrahimov, TADEF-in rəhbəri Adalet Turan, ABİD-in sədri, Türkiyənin Bilkent Universitetinin professoru Əmirulla Məmmədov çıxış edib.

https://x.com/DiasporaAz/status/1861722810134970685

Onlar müxtəlif ölkələrdə yaşayan alimlərimizin bu dərnəyə qoşulmasının ABİD-in gələcək fəaliyyətinə müsbət təsirlərindən danışıblar. Dünyanın hər bir bölgəsində azərbaycanlı elm adamlarına, mədəniyyət xadimlərinə və həkimlərə rast gəlindiyini və onların öz sahələri üzrə müəyyən yüksək məqama çatmış şəxsiyyətlər olduğunu bildiriblər. Dünya şöhrətli bu insanların ilk elm ocağının məhz Azərbaycan olmasını sevindirici məqam kimi vurğulayıblar.

https://x.com/DiasporaAz/status/1861722810134970685

Son 30 il ərzində Azərbaycanın ərazi bütövlüyü uğrunda apardığı mübarizəyə toxunan çıxışçılar 44 günlük Vətən müharibəsi nəticəsində əldə etdiyimiz şanlı Zəfəri məmnuniyyətlə xatırladıblar. Bəzi mənfur qüvvələrin COP29-un Azərbaycanda təşkilinə maneə törətmək cəhdlərinə baxmayaraq, Azərbaycanın həmin tədbiri ən yüksək səviyyədə keçirərək öz siyasi, mədəni və bəşəri gücünü bir daha dünyaya nümayiş etdirdiyinə diqqət çəkiblər. Ölkəmizin informasiya mübarizəsindən qalib çıxdığını diqqətə söyləyiblər.

https://x.com/DiasporaAz/status/1861722810134970685

İki gün davam edən iclasda ABİD-in idarə heyətinin və digər struktur bölmələrinin formalaşdırlması ilə bağlı seçkilər keçirilib. Növbəti toplantılardan birinin Bakı Dövlət Universiteti tərəfindən təşkili, alimlərin Azərbaycanın ali təhsil müəssisələri ilə əməkdaşlığı, ortaq seminarların və layihələrin təşkili məsələləri müzakirə edilib. ABİD adından Azərbaycan Respublikasının Prezidenti İlham Əliyevə müraciət qəbul olunub.

Xatırladaq ki, ABİD bu ilin aprel ayında İstanbulda qurulub. Dərnəyin qurulmasının əsas məqsədi Qarabağ zəfərindən sonra Azərbaycandakı inkişaf proseslərinə, xüsusilə ölkəmizin elm və təhsil sahəsinə töhfə vermək, o cümlədən müxtəlif ölkələrdə təhsil alan azərbaycanlıların magistr və ya doktorantura proqramlarına dəstək olacaq bilik bankı formalaşdırmaq, gənclərimizin xaricdə yaşayan elm adamlarımızı daha yaxından tanımasına, onlarla ünsiyyət qurmasına, biliklərindən faydalanmasına şərait yaratmaqdır.

Foto qalereya

https://x.com/DiasporaAz/status/1861722810134970685

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/azerbaycanli-elm-adamlari-derneyinin-ilk-umumi-iclasi-kecirilib-5324

https://x.com/DiasporaAz/status/1861722810134970685