30 sentyabr, 2025

Estoniya Azərbaycan Evində Anım Günü

Estoniyanın paytaxtı Tallində fəaliyyət göstərən Azərbaycan Evində 27 Sentyabr – Anım Günü ilə əlaqədar tədbir keçirilib.

Estoniyada yaşayan soydaşlarımızın iştirakı ilə keçirilən tədbirdə Vətən uğrunda canından keçən şəhidlərin ruhu bir dəqiqəlik sükutla yad edilib.

https://x.com/DiasporaAz/status/1972998476469575918

Daha sonra Azərbaycan Respublikasının Prezidenti İlham Əliyevin çıxışı səsləndirilib.

https://x.com/DiasporaAz/status/1972998476469575918

Tədbirdə qeyd olunub ki, 27 Sentyabr Azərbaycan tarixində qəhrəmanlıq və vətənpərvərlik rəmzi kimi əbədi yaşayacaq. Xalqımız bu müqəddəs gündə şəhidlərin fədakarlığını dərin ehtiramla anır və onların qəhrəmanlığını heç vaxt unutmayacaq.

Tədbir çərçivəsində Estoniya Azərbaycan Evinin nəzdində fəaliyyət göstərən həftəsonu Azərbaycan məktəbində Vətən uğrunda canını qurban verən şəhidlərin xatirəsinə həsr olunmuş anım guşəsi yaradılıb. Guşədə Vətən müharibəsinə aid şəkillər, qəhrəman şəhidlərin fotoları nümayiş olunub, güllər düzülüb, şam yandırılıb.

https://x.com/DiasporaAz/status/1972998476469575918

Həmin gün məktəbdə keçirilən dərs də 27 Sentyabr – Anım Gününə həsr edilib. Şagirdlərə Anım Gününün mahiyyəti, 44 günlük Vətən müharibəsinin gedişi, Azərbaycan Ordusunun qəhrəmanlığı və şəhidlərin əbədi xatirəsi haqqında geniş məlumat verilib. Uşaqlar arasında Vətənə sevgi və milli şüur hisslərinin gücləndirilməsinin vacibliyi vurğulanıb.

https://x.com/DiasporaAz/status/1972998476469575918

Tədbirin bədii hissəsində violonçel ifaçısı Tatiana Qasımova dahi Azərbaycan bəstəkarları Qara Qarayev və Tofiq Quliyevin əsərlərini ifa edib.

Foto qalereya

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/estoniya-azerbaycan-evinde-anim-gunu-6168

https://x.com/DiasporaAz/status/1972998476469575918