gürcü – Şey Gazetesi https://seygazetesi.com Sat, 11 Mar 2023 23:37:06 +0000 tr hourly 1 Gürcü siyasətçi Heydər Əliyevi tarixi İpək Yolunun bərpasının banisi adlandırıb https://seygazetesi.com/gurcu-siyas%c9%99tci-heyd%c9%99r-%c9%99liyevi-tarixi-ip%c9%99k-yolunun-b%c9%99rpasinin-banisi-adlandirib-h41998.html Sat, 11 Mar 2023 23:37:06 +0000 https://1453kralmedya.com/gurcu-siyas%c9%99tci-heyd%c9%99r-%c9%99liyevi-tarixi-ip%c9%99k-yolunun-b%c9%99rpasinin-banisi-adlandirib-h41998.html

 

 

 

Gürcü siyasətçi Heydər Əliyevi tarixi İpək Yolunun bərpasının banisi adlandırıb

, 2023
Gürcü siyasətçi Heydər Əliyevi tarixi İpək Yolunun bərpasının banisi adlandırıb
Gürcüstanın nüfuzlu “Sakartvelos Respublika” (Gürcüstan Respublikası) qəzetində “Heydər Əliyev tarixi İpək Yolunun bərbasının banisidir” sərlövhəli məqalə dərc olunub.

Müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş məqalə Azərbaycan Respublikası Diasporla İş üzrə Dövlət Komitəsinin və Tbilisidə fəaliyyət göstərən “Alyans“ Gənclər Mərkəzinin birgə layihəsi əsasında dərc edilib.

Məqalə tanınmış gürcü siyasətçisi, 2000-2004-cü illərdə TRASECA Hökumətlərarası Komissiyasının birinci katibi vəzifəsində çalışmış Zviad Kvaçantiradzenin “Azərbaycan xalqı çox xoşbəxtdir ki, tarix ona Heydər Əliyev kimi dünyamiqyaslı dahi şəxsiyyət, eləcə də xalqının və dövlətinin qarşısında duran çətinlikləri aradan qaldırmaqla, Azərbaycanı qısa bir zamanda hüquqi, dünyəvi, demokratik inkişaf yoluna çıxarmağa qadir olan dövlət başçısı bəxş edib” fikri ilə başlayıb.

Azərbaycanda fəaliyyəti dövründə xalqımızın dahi şəxsiyyəti ilə bir neçə dəfə görüşdüyünü vurğulayan gürcü siyasətçisi xatırladıb ki, məhz ümummilli lider Heydər Əliyevin təşəbbüsü ilə 7-8 sentyabr 1998-ci il tarixində Bakı şəhərində tarixi İpək Yolunun bərpasına həsr olunmuş beynəlxalq konfrans keçirilib. Həmin konfransın yekununda Avropa İttifaqının TRASECA proqramı əsasında “Avropa-Qafqaz-Asiya dəhlizinin inkişafı üzrə beynəlxalq nəqliyyat haqqında Əsas Çoxtərəfli Saziş” imzalanıb və Bakı Bəyannaməsi qəbul edilib.

Müsahib qeyd edib ki, sazişə əsasən, o, Dövlətlərarası Komissiyanın birinci katibi seçilib, TRASECA Hökumətlərarası Komissiyasının Daimi Katibliyinin Bakı şəhərində yerləşməsi qərara alınıb və 2001-ci il fevralın 21-də katibliyin binasının rəsmi açılışı olub: “Məhz həmin katibliyin açılışında mənim ilk dəfə olaraq Heydər Əliyevlə görüşüm baş tutdu. O, öz çıxışında Avropa İttifaqı tərəfindən TRASECA proqramının həyata keçirilməsi ilə əlaqədar tədbirləri yüksək qiymətləndirdi. Heydər Əliyev çıxışında dedi: “Bizim qonaqlarımız bu binanın gözəlliyi haqqında və indiki vəziyyəti barədə yüksək fikirlər söylədilər. Bu binanın Avropa İttifaqının TRASECA proqramına və tarixi İpək Yolunun bərpası üçün görülən işlərə görə ayrılması təsadüfi deyildir. Bu bina Azərbaycanın, Bakının memarlıq abidələrindən biridir. Vaxtilə, XX əsrin əvvəllərində Azərbaycanın böyük şəxsiyyəti, böyük sahibkarı Hacı Zeynalabdin Tağıyev bu binanı yaradıb və burada da uzun müddət işləyib”.

Z.Kvaçantiradze qeyd edib ki, katibliyin açılışından sonra Heydər Əliyev onunla yarım saat ərzində qarşıda duran vəzifələr və planlar barədə geniş fikir mübadiləsi aparıb: “Artıq onun uzaqgörənliyi ilə əldə olunmuş nəticələr öz bəhrəsini verib. Belə ki, Heydər Əliyevin məqsədyönlü siyasəti nəticəsində bu gün Azərbaycan güclü nəqliyyat və kommunikasiya dəhlizinə malikdir”.

Heydər Əliyevin yüksək şəxsi keyfiyyətlərindən danışarkən gürcü siyasətçi onun diqqətli və həssas münasibətindən bəhs edib. “Çox məzmunlu yumor hissinə malik idi. Tanış və hörmət etdiyi insanlara xüsusi diqqət yetirərdi. Mənimlə bu dahi şəxsiyyət çox səmimiyyətlə görüşərdi. Heydər Əliyev öz təşəbbüsü ilə başladığı irimiqyaslı işlərə xidmət edən insanlara çox yüksək qiymət verərdi. Xoşbəxtəm ki, mən də həmin insanlar sırasındaydım. Bütün tədbirlərdə mənimlə görüşər, heç zaman diqqətdən kənar qoymazdı. Yanına çağırar və mənə ata nəvazişi göstərərdi”, – deyə Kvaçantiradze vurğulayıb.

Onun fikrincə, Heydər Əliyevin Gürcüstanla münasibətlərə xüsusilə böyük diqqət yetirməsi iki ölkə arasında əlaqələrin keyfiyyətcə yeni mərhələyə qədəm qoymasına şərait yaradıb: “Müdrik və uzaqgörən siyasətçi olan Heydər Əliyev Azərbaycan və gürcü xalqlarının tarixi dostluğuna və mehriban münasibətlərinin daha da inkişafına xidmət edən vacib məqamlara həmişə böyük diqqət yetirib. Mən xoşbəxtəm ki, belə şəxsiyyətlə tanış olmuşam”.

Siyasətçi nəzərə çatdırıb ki, ümummilli lider Heydər Əliyevin formalaşdırdığı siyasi irs, ata vəsiyyəti Prezident İlham Əliyev tərəfindən layiqincə, şərəflə və inkişaf etdirilməklə həyata keçirilir: “Mən Azərbaycan xalqına sülh və əmin-amanlıq arzulayıram. İnanıram ki, Prezident İlham Əliyevin rəhbərliyi və uzaqgörən, məqsədyönlü siyasəti nəticəsində Azərbaycan daha böyük uğurlara imza atacaq”.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:http://diaspor.gov.az/az/news-detail/gurcu-siyasetcisi-heyder-eliyevi-tarixi-ipek-yolunun-berpasinin-banisi-adlandirib-2574

 

 

]]> Cenevrədə Azərbaycan və gürcü mədəniyyətinin nümunələri təqdim edilib https://seygazetesi.com/cenevr%c9%99d%c9%99-az%c9%99rbaycan-v%c9%99-gurcu-m%c9%99d%c9%99niyy%c9%99tinin-numun%c9%99l%c9%99ri-t%c9%99qdim-edilib-h41774.html Mon, 06 Mar 2023 13:28:15 +0000 https://1453kralmedya.com/cenevr%c9%99d%c9%99-az%c9%99rbaycan-v%c9%99-gurcu-m%c9%99d%c9%99niyy%c9%99tinin-numun%c9%99l%c9%99ri-t%c9%99qdim-edilib-h41774.html

 

 

Cenevrədə Azərbaycan və gürcü mədəniyyətinin nümunələri təqdim edilib
6 mart, 2023
Cenevrədə Azərbaycan və gürcü mədəniyyətinin nümunələri təqdim edilib

Cenevrə Universitet Xəstəxanasında Azərbaycan və gürcü mədəniyyətini əks etdirən guşə nümayiş etdirilib.

İsveçrədə fəaliyyət göstərən Azərbaycan icmasının fəalı Mariya Xan-Xoyskaya Martinyolinin təşəbbüsü ilə baş tutan bu tədbir xəstəxana əməkdaşlarının mükafatlandırma mərasimi çərçivəsində gerçəkləşdirilib.

Azərbaycan və Gürcüstan guşələrində xalqlarımızın milli geyimlərini, musiqisini, rəqslərini, adət-ənənələrini və mətbəxini əks etdirən kitablar, jurnallar və nümunələr təqdim olunub.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/cenevrede-azerbaycan-ve-gurcu-medeniyyetinin-numuneleri-teqdim-edilib-2534

 

 

]]> Tbilisidə “Dağlıq Qarabağın geologiyası və faydalı qazıntıları” kitabı gürcü dilində çap olunub https://seygazetesi.com/tbilisid%c9%99-dagliq-qarabagin-geologiyasi-v%c9%99-faydali-qazintilari-kitabi-gurcu-dilind%c9%99-cap-olunub-h38468.html Tue, 13 Dec 2022 21:28:10 +0000 https://1453kralmedya.com/tbilisid%c9%99-dagliq-qarabagin-geologiyasi-v%c9%99-faydali-qazintilari-kitabi-gurcu-dilind%c9%99-cap-olunub-h38468.html

 

 

 

 

Tbilisidə “Dağlıq Qarabağın geologiyası və faydalı qazıntıları” kitabı gürcü dilində çap olunub

2022

Tbilisidə “Dağlıq Qarabağın geologiyası və faydalı qazıntıları” kitabı gürcü dilində çap olunub
Tbilisinin “Universal” nəşriyyatında “Dağlıq Qarabağın geologiyası və faydalı qazıntıları” monoqrafiyası gürcü dilində çap olunub.

AMEA Geologiya və Geofizika İnstitutunun əməkdaşı, BDU-nun “Faydalı qazıntılar” kafedrasının pro­­­­fes­soru olmuş geologiya-mineralogiya elmləri doktoru Cəbrayıl Əb­­­­­dü­ləli oğlu Azadəliyevin (1935-2022) müəllifi olduğu kitabda mürəkkəb geoloji quruluşu və zəngin yeraltı sərvətləri ilə olan Dağlıq Qarabağın geoloji-tektonik mövqeyi, struktur-formasion zonalar üzrə antiklinorilərin, sinklinorilərin, köndələn çökəklərin, qalxıntıların quruluşu tədqiq olunub.

Monoqrafiyada Kiçik Qafqaz regionunun Azərbaycan Respublikası hissəsində (Naxçıvan Respublikası istisna olunmaqla) yerləşən faydalı qazıntı yataqları, onların geologiyası, genezisi ilə yanaşı, faydalı qazıntı kütləsinin ehtiyatı haqqında məlumatlar öz əksini tapıb. Kitabı nəzəri və təcrübi əhəmiyyət kəsb edən elmi əsərdir.

Qeyd edək ki, Cəbrayıl Azadəliyev 1935-ci il noyabrın 29-da Qərbi Azərbaycanın Qafan rayonunun Mahmudlu kəndində anadan olub. Azərbaycan Dövlət Universitetinin (hazırkı Bakı Dövlət Universiteti) Geologiya-coğrafiya fakültəsinin “Geoloji çəkiliş və faydalı qazıntı yataqlarının axtarışı” şöbəsini bitirib. 1959-cu ilin iyun ayından akademik Mirəli Qaşqayın şəxsi təşəbbüsü ilə Geologiya İnstitutuna (indiki Geologiya və Geofizika İnstitutu) təyinat alıb, 1961-ci ildə əyani aspirant, sonra kiçik elmi işçi, böyük elmi işçi kimi fəaliyyət göstərib. 1986-cı ildən Metasomatizm və filizəmələgəlmə şöbəsinə rəhbərlik edib. 300-dən çox elmi əsərin, o cümlə­dən 5 mo­noqrafiya, dərs­lik və dərs və­sa­it­lərinin, eləcə də bakalavr və magistrlər üçün təd­ris proqram­la­rı­nın müəllifi­ olub. O, “Azər­bay­­ca­nın geologi­ya­sı” çoxcild­iyinin (rus di­lində) VI cildinin (2003, 2005) redak­si­ya he­­yə­ti­nin üzvü, “Azərbaycanın geo­lo­gi­ya­sı”nın III cil­din­də (2015) “Bərk fay­dalı qa­zın­tı­lar” böl­mə­si­nin müəllif­i­ olub. Səmərəli elmi və ictimai fəallığı ilə seçilən alim “Tərəqqi” medalı və AMEA-nın fəxri fərmanları ilə təltif olunub.

FOTO QALEREYA

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/tbiliside-dagliq-qarabagin-geologiyasi-ve-faydali-qazintilari-kitabi-gurcu-dilinde-cap-olunub-2047

 

 

]]>