illiyi – Şey Gazetesi

Fransada Ulu Öndər Heydər Əliyevin anadan olmasının 101 illiyi qeyd edilib

Abdullah Yiğit — Sun, 12 May 2024 18:09:12 +0000

Fransada Ulu Öndər Heydər Əliyevin anadan olmasının 101 illiyi qeyd edilib

2024

Fransada Ulu Öndər Heydər Əliyevin anadan olmasının 101 illiyi qeyd edilib

Fransanın paytaxtı Parisdə Azərbaycan xalqının Ümummilli Lideri Heydər Əliyevin anadan olmasının 101 illiyi münasibətilə konsert keçirilib.

Azərbaycan Respublikasının Diasporla İş üzrə Dövlət Komitəsinin dəstəyi və Fransa-Azərbaycan Dialoqu Assosiasiyasının təşkilatçılığı ilə keçirilən konsertdə fransalı siyasətçilər, iş adamları, jurnalistlər, elm xadimləri və digər şəxslər iştirak ediblər. Tədbirdə çıxış edən Azərbaycan Respublikasının Fransadakı səfiri Leyla Abdullayeva Ulu Öndər Heydər Əliyevin ölkəmizin tarixindəki, beynəlxalq arenadakı rolundan, demokratik, hüquqi dövlət quruculuğuna və dünya siyasətinə verdiyi töhfələrdən danışıb. Konsertdə azərbaycanlı pianoçu Eldəniz Ələkbərzadə və fleytaçı Ağarəhim Quliyev Azərbaycanın tanınmış bəstəkarları və bir sıra xarici bəstəkarların mahnılarını ifa ediblər.

Tədbirdə qonaqlara azərbaycanlı rəssam Əsmər Nərimanbəyovanın rəsm əsərlərindən ibarət “Souffle de printemps” (“Bahar nəfəsi”) adlı sərgisi nümayiş olunub. Sərgidə Parisdə Assosiasiyanın nəzdində fəaliyyət göstərən “Natəvan” Azərbaycan həftəsonu məktəbinin şagirdlərinin rəsmləri də yer alıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/fransada-ulu-onder-heyder-eliyevin-anadan-olmasinin-101-illiyi-qeyd-edilib-4615

Koqalım şəhərində Heydər Əliyevin 100 illiyi qeyd edilib

Abdullah Yiğit — Tue, 05 Sep 2023 09:01:02 +0000

Koqalım şəhərində Heydər Əliyevin 100 illiyi qeyd edilib

2023

Koqalım şəhərində Heydər Əliyevin 100 illiyi qeyd edilib

Rusiyanın Koqolım şəhərində müasir Azərbaycan dövlətinin qurucusu Heydər Əliyevin anadan olmasının 100 illiyi münasibətilə Gül bayramı keçirilib.

“Dostluq” Milli-Mədəni Cəmiyyətinin təşəbbüsü və təşkilatçılığı ilə baş tutan bayram tədbirində Xantı-Mansiysk muxtar dairəsi – Yuqra ictimaiyyətinin və Azərbaycanın Yekaterinburqdakı Baş konsulluğunun nümayəndələri iştirak ediblər.

Tədbir zamanı parlaq gül kompozisiyaları nümayiş etdirilib. Ənənəyə uyğun olaraq, bayram mövzusunu əks etdirən ən yaxşı kompozisiyalar müəyyən edilib. Qaliblər və bütün iştirakçılar xatirə hədiyyələri və sertifikatlarla mükafatlandırılıb.

Tədbirdə çıxış edən Azərbaycanın Yekaterinburqdakı Baş konsulu v.i.e Şöhrət Mustafayev görkəmli dövlət xadiminin bir əsrlik yubileyinin dünyanın müxtəlif ölkələrində, o cümlədən Rusiyada qeyd olunduğunu bildirib. Ümummilli liderin Azərbaycan-Rusiya arasında dostluq və əməkdaşlıq münasibətlərinin möhkəmləndirilməsindəki müstəsna xidmətlərindən danışıb. Koqalımdakı Gül bayramının da yüksək səviyyədə təşkil olunduğunu vurğulayan azərbaycanlı diplomat şəhər sakinlərinə çoxmillətli Rusiyada mehribanlıq və harmoniya içində yaşamağı arzulayıb.

Tədbirin bədii hissəsində müxtəlif yaradıcı kollektivlərinin ifasında 2 saat davam edən konsert proqramı təqdim olunub.

Gül bayramı çərçivəsində Koqalımın “Metro” gənclər mərkəzinin ərazisində ağaclar əkilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/koqalim-seherinde-heyder-eliyevin-100-illiyi-qeyd-edilib-3425

Parisdə Heydər Əliyevin 100 illiyi qeyd olunub

Abdullah Yiğit — Tue, 02 May 2023 11:00:08 +0000

Parisdə Heydər Əliyevin 100 illiyi qeyd olunub
, 2023
Parisdə Heydər Əliyevin 100 illiyi qeyd olunub

Fransanın paytaxtı Parisdə müasir Azərbaycanın dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş konsert keçirilib.

Diasporla İş üzrə Dövlət Komitəsinin dəstəyi və Fransa-Azərbaycan Dialoqu Assosiasiyasının təşkilatçılığı ilə baş tutan konsertdə fransalı siyasətçilər, elm xadimləri, iş adamları, jurnalistlər və yerli ictmaiyyətin digər nümayəndələri iştirak ediblər.

Konsert öncəsi çıxış edən fransalı professor Kərim İfrak xalqımızın böyük öndəri Heydər Əliyevi qəlbi daim Vətən eşqi ilə döyünən, bütün varlığı ilə xalqına bağlı olan, respublikanı zamanın çətin sınaqlarından yüksək məharətlə çıxaran, ən düzgün çıxış yolu tapan müdrik və uzaqgörən lider adlandırıb.

Dahi şəxsiyyətin Azərbaycan tarixində və beynəlxalq arenadakı müstəsna rolundan danışılıb, demokratik, hüquqi dövlət quruculuğu, ölkəmizin qüdrətli dövlətə çevrilməsi, xalqın rifahının yüksəldilməsi istiqamətində göstərdiyi misilsiz xidmətlərə və dünya siyasətinə verdiyi töhfələrə diqqət cəlb edilib.

Sonra Eldəniz Ələkbərzadənin (fortepiano) və Ağarəhim Quliyevin (fleyta) ifasında Azərbaycanın və dünyanın tanınmış bəstəkarları Qara Qarayevin, Fikrət Əmirovun, İohan Sebastyan Baxın, Lüdviq van Bethovenin, Sergey Prokofyevin əsərləri, Heydər Əliyevin çox sevdiyi “Ay Laçın”, “Sarı gəlin”, “Küçələrə su səpmişəm” Azərbaycan xalq mahnıları təqdim olunub.

Tədbir iştirakçılarına paylanılan konsert proqramında xalqımızın ümummilli lideri Heydər Əliyevin həyat və fəaliyyəti barədə məlumat əks olunub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/parisde-heyder-eliyevin-100-illiyi-qeyd-olunub-2855